ਭਾਰਤੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਲਗਾਤਾਰ 21 ਮਹੀਨਿਆਂ ਤੋਂ ਟੈਸਟ ਗੇਂਦਬਾਜ਼ਾਂ ਦੀ ਰੈਂਕਿੰਗ ਵਿੱਚ ਨੰਬਰ-1 ਬਣੇ ਹੋਏ ਹਨ। ਉਨ੍ਹਾਂ ਨੇ ਨਵੰਬਰ 2024 ਵਿੱਚ ਪਹਿਲਾ ਸਥਾਨ ਹਾਸਲ ਕਰਨ ਤੋਂ ਬਾਅਦ ਇਸ ਨੂੰ ਬਰਕਰਾਰ ਰੱਖਿਆ ਹੈ। ਬੁਮਰਾਹ ਦੇ 870 ਰੇਟਿੰਗ ਪੁਆਇੰਟ ਹਨ।
ਰਵਿੰਦਰ ਜਡੇਜਾ ਟੈਸਟ ਆਲਰਾਊਂਡਰਾਂ ਵਿੱਚ ਟੌਪ ‘ਤੇ ਹਨ। ਉਹ ਪਿਛਲੇ 1556 ਦਿਨਾਂ ਤੋਂ ਨੰਬਰ-1 ਪੁਜ਼ੀਸ਼ਨ ‘ਤੇ ਹਨ। ਉਹ ਪਿਛਲੀ ਵਾਰ 9 ਮਈ 2022 ਨੂੰ ਟੌਪ ‘ਤੇ ਆਏ ਸਨ। ਉੱਥੇ ਹੀ ਭਾਰਤੀ ਕਪਤਾਨ ਸ਼ੁਭਮਨ ਗਿਲ ਨੇ ਵਨਡੇ ਵਿੱਚ ਪਹਿਲਾ ਸਥਾਨ ਬਰਕਰਾਰ ਰੱਖਿਆ ਹੈ।
ਬਾਬਰ ਆਜ਼ਮ ਦੀ ਟੌਪ-10 ਵਿੱਚ ਵਾਪਸੀ
ਪਾਕਿਸਤਾਨ ਦੇ ਟੈਸਟ ਕਪਤਾਨ ਬਾਬਰ ਆਜ਼ਮ ਨੇ ਬੱਲੇਬਾਜ਼ਾਂ ਦੀ ਰੈਂਕਿੰਗ ਦੇ ਟੌਪ-10 ਵਿੱਚ ਵਾਪਸੀ ਕਰ ਲਈ ਹੈ। ਬੁੱਧਵਾਰ ਨੂੰ ਜਾਰੀ ਰੈਂਕਿੰਗ ਵਿੱਚ ਬਾਬਰ ਨੇ 5 ਛਾਲਾਂ ਲਗਾਈਆਂ ਹਨ। ਉਹ ਹੁਣ 716 ਰੇਟਿੰਗ ਪੁਆਇੰਟਾਂ ਨਾਲ 10ਵੇਂ ਨੰਬਰ ‘ਤੇ ਹਨ।
ਟੈਸਟ ਬੱਲੇਬਾਜ਼ਾਂ ਦੀ ਰੈਂਕਿੰਗ ਵਿੱਚ ਆਸਟ੍ਰੇਲੀਆ ਦੇ ਟ੍ਰੈਵਿਸ ਹੈੱਡ ਅਜੇ ਵੀ ਨੰਬਰ-1 ‘ਤੇ ਬਣੇ ਹੋਏ ਹਨ। ਉਨ੍ਹਾਂ ਦੇ 853 ਰੇਟਿੰਗ ਪੁਆਇੰਟ ਹਨ। ਇੰਗਲੈਂਡ ਦੇ ਹੈਰੀ ਬ੍ਰੂਕ 852 ਪੁਆਇੰਟਾਂ ਨਾਲ ਦੂਜੇ ਨੰਬਰ ‘ਤੇ ਹਨ। ਦੋਵਾਂ ਵਿਚਾਲੇ ਸਿਰਫ਼ 1 ਪੁਆਇੰਟ ਦਾ ਫ਼ਰਕ ਹੈ।
ਟੌਪ-5 ਵਿੱਚ ਜੋ ਰੂਟ, ਸਟੀਵ ਸਮਿਥ ਅਤੇ ਟੈਂਬਾ ਬਾਵੁਮਾ ਸ਼ਾਮਲ ਹਨ। ਭਾਰਤ ਵੱਲੋਂ ਕਪਤਾਨ ਸ਼ੁਭਮਨ ਗਿਲ 743 ਪੁਆਇੰਟਾਂ ਨਾਲ 7ਵੇਂ ਅਤੇ ਯਸ਼ਸਵੀ ਜਾਇਸਵਾਲ 733 ਪੁਆਇੰਟਾਂ ਨਾਲ 9ਵੇਂ ਨੰਬਰ ‘ਤੇ ਹਨ।
ਟੈਸਟ ਆਲਰਾਊਂਡਰਾਂ ਵਿੱਚ ਰਵਿੰਦਰ ਜਡੇਜਾ 446 ਰੇਟਿੰਗ ਪੁਆਇੰਟਾਂ ਨਾਲ ਨੰਬਰ-1 ‘ਤੇ ਹਨ। ਸਾਊਥ ਅਫ਼ਰੀਕਾ ਦੇ ਮਾਰਕੋ ਯਾਨਸਨ 344 ਪੁਆਇੰਟਾਂ ਨਾਲ ਦੂਜੇ ਅਤੇ ਆਸਟ੍ਰੇਲੀਆ ਦੇ ਮਿਚਲ ਸਟਾਰਕ 284 ਪੁਆਇੰਟਾਂ ਨਾਲ ਤੀਜੇ ਨੰਬਰ ‘ਤੇ ਹਨ।
ਬੰਗਲਾਦੇਸ਼ ਦੇ ਮੇਹਦੀ ਹਸਨ ਮਿਰਾਜ ਵੀ 284 ਪੁਆਇੰਟਾਂ ਨਾਲ ਸਾਂਝੇ ਤੌਰ ‘ਤੇ ਤੀਜੇ ਸਥਾਨ ‘ਤੇ ਹਨ। ਆਸਟ੍ਰੇਲੀਆ ਦੇ ਪੈਟ ਕਮਿੰਸ 250 ਪੁਆਇੰਟਾਂ ਨਾਲ ਪੰਜਵੇਂ ਨੰਬਰ ‘ਤੇ ਹਨ।
About The Author
